Nga Rama të Basha, kush është lideri “i dashur” dhe më pak i preferuar i shqiptarëve

Dihet tashmë që shqiptarët nuk i preferojnë shumë poltikanët dhe kjo del edhe një herë në pah në një vlerësim të fundit të kryer në vend.

Barometri në Euronews Albania ka matur vlerësimin e shqiptarëve për politikanët shqiptarë duke treguar kështu se kush është i preferuari për qytetarët dhe kush më pak i preferuar. Në këtë kampion janë marrë në pyetje 1000 persona të cilët kanë vlerësuar me mendim pozitiv dhe negativ disa nga politikanët shqiptarë.

52.1% e shqiptarëve kanë mendim pozitiv për kryeministrin Edi Rama. Ndërsa 44.3% kanë mendim negativ.

Për ish-kryeministrin mendimi negativ është më i lartë se për kryeministrin me 67.5%. Ata që kanë mendim pozitiv për Sali Berishën janë 28.7%.

82.1% e shqiptarëve kanë mendim negativ për kreun e PD-së Lulzim Basha. Vetëm 14% e shqiptarëve kanë mendim pozitiv. Politikani i dytë me më shumë mendim pozitiv është Adritaik Lapaj me 35%, ndërsa mendim negativ për të kanë 17.4%

Për Agron Shehajn kanë mendim pozitiv 29% e personave të pyetur, ndërsa 23.9 % kanë mendim negativ. 22.2% kanë mendim pozitiv për Arlind Qorin, ndërsa 21.6% kanë mendim negativ për të. Po ashtu një numër të ulët të përlqyeshmërisë ka edhe Endri Shabani me 17.9% me mendim pozitiv, ndërsa 25.4 kanë mendim negativ.

Figura më pak e pëlqyer është kryetari i Partisë së Lirisë, Ilir Meta, ku 87.3% e të targetuarve e kanë vlerësuar negativisht. Ndërsa vetëm 8.4% e tyre kanë shprehur vlerësim pozitiv.