Ndërtimi i termocentralit në Roskovec, Bardhi: Balluku e miratoi në fshehtësi

Kreu i Grupit Parlamentar të PD-së, Gazment Bardhi, ka denoncuar në seancën e sotme plenare vendimin e qeverisë të inicuar nga ministrja e Infrastrukturës dhe Energjisë, Belinda Balluku, për ndërtimin e termocentralit të Roskovecit.

Bardhi tha se ky vendim është marrë pa transparencë dhe pa dëgjuar shqetësimet e banorëve të zonës ku Balluku është deleguar si drejtuese politike e Partisë Socialiste.

Ai theksoi se ky projekt ka pasoja të rënda në mjedis, produktet bujqësore dhe shëndetin e banorëve të zonës, duke nënvizuar protestat e vazhdueshme të qytetarëve ndaj tij.