Ndarje familjare apo politike? Ilir Meta sqaron raportin me Monikën

Kryetari i Partisë sëLirisë, Ilir Meta ka folur për herë të parë mbrëmjen e sotme për marrëdhënien me bashkëshorten Monika Kryemadhi, dhe ndërlidhjen e situatës familjare me atë politike, në partinë që ai drejton tani.

I ftuar në emisionin “Opinion”, Ilir Meta ka sqaruar se për shkak të nepotizmit në Partinë e Lirisë do të zgjidhë njëherë e mirë ccështjen e nepotizmit, sepse roli i tij dhe Kryemadhit është keqkuptuar nga anëtarët e partisë.

“Ju po flisni sikur i drejtoheni dikujt në lagje, jo bashkëshortes tuaj”, ia preu Blendi Fevziu. Ndërkohë, kryetari i Partisë së Lirisë tha se partia nuk ishte menduar të drejtohej nga Monika Kryemadhi kur ai nuk kishte mbaruar ende detyrën e presidentit, por për shkak se Vasili dha dorëheqjen.

“Unë e ftova, ajo nuk erdhi se kishte angazhime të tjera. Do bëjmë një zgjidhje nepotike. Nepotizmi u kthye në një problem në Partinë e Lirisë për shkak të rezultatit të dobët në zgjedhje. Kryemadhi nuk është se ishte kryetari, ishte zoti Vasili por ai pati shumë probleme, doli më i dobëti në Fier.”