Sekuestrohen pasuritë e Monika Kryemadhit, troje, vila dhe rezidenca

Sekuestrohen me vendim të GJKKO dy pasuri në pronësi të Monika Kryemadhit dhe mamasë së saj, Fatime Kryemadhi.

Me kërkesë të SPAK, Gjykata e Posaçme ka sekuesturar dy vila në pronësi të Monika Kryemadhit dhe nënës së saj, Fatime Kryemadhi të cilat ndodhen në rezidencën “Kodra e Diellit”.

Njoftimi për median

Mbi bazën e kërkesës së SPAK, Gjykata e Posaçme e Shkallës së Parë kundër Korrupsionit dhe Krimit të Organizuar përmes vendimit nr.640 të datë 15 nëntor 2024, ka vendosur  masën e sigurimit pasuror ‘Sekuestro preventive’ për dy prona në pronësi të shtetasve F.K dhe M.K.

Kjo masë vjen si vijim i veprimeve hetimore dhe proceduriale në lidhje me procedimin penal nr. 122 të vitit 2022. (https://spak.gov.al/njoftim-per-shtyp-date-21-10-2024-2/)

Pasuritë e sekuestruara janë:

Ndërtesë në Selitë, Tiranë me sipërfaqe;
             kati përdhes, 152 m2, nga të cilat 82 m2 banesë dhe 70 m2 verandë;

             kati nëntokë 139 m2,

             kati i parë 79 m2,

             kati i dytë 51 m2, verande kati i dytë 27.9 m2 – në pronësi të shtetases F.K., me adresë Rezidenca “Kodra e Diellit”.

Ndërtesë në Selitë, Tiranë me sipërfaqe;
            kati përdhes 152 m2, nga të cilat 82 m2 banesë dhe 70 m2 verandë,

            kati nëntokë 139 m2, 

            kati i parë 79 m2,

            kati i dytë 51 m2, verandë kati i dytë 27.9 m2, në pronësi të M.K.,

            me adresë Rezidenca “Kodra e Diellit”.

Vendimi i Gjykatës së Posaçme është ekzekutuar nga policia gjyqësore në datat 19 dhe 20 Nëntor 2024, duke vendosur bllokimin e pasurive në regjistrat e Agjencisë Shtetërore të Kadastrës, si dhe duke ua komunikuar këtë vendim pronarëve të pasurive.