Hyrja në parlament dhe e ardhmja në krye të PD-së, Basha: Do mbledhim provat, pastaj flasim

Kreu i Partisë Demokratike Lulzim Basha është duke zhvilluar këtë pasdite takim me deputetët e rinj dhe kandidatët jo fitues të 25 prillit.

 Basha iu ka komunikuar deputetëve edhe skenarët sesi do të vijojnë më tej.

Kryedemokrati ka deklaruar se fillimisht do të përfundojnë procesin e mbledhjes së provave për të faktuar sipas tij masakrën zgjedhore dhe më pas do të flasin me forumet për hapat e ardhshëm, duke nënkuptuar këtu hyrjen në parlament apo edhe çështjen e kryetarit.

“Ne duhet të përfundojmë gjithë procesin e mbledhjeve te fakteve për masakrën elektorale në lidhje me zgjedhjet dhe pastaj do të flasim me forumet përkatëse për hapat e ardhshëm,” ka thënë Basha.