Gjysmëfinalja e konkursit të Gjuhës Shqipe, Rama: Festë e madhe, bashkoi 11 mijë nxënës anembanë vendit

Viti 2024 është shpallur si viti i Gjuhës Shqipe, identitet kombëtar, kulturor dhe komunikimi në epokën e teknologjisë.

Kryeministri Rama përmes një postimi në rrjetet sociale ka ndarë disa nga momentet emocionuese të fazës gjysmëfinale të këtij konkursi.

“Mirëmëngjesi dhe me disa nga momentet më emocionuese të fazës gjysmëfinale të Konkursit Kombëtar të Gjuhës Shqipe, një festë e madhe e gjuhës që bashkoi 11,000 nxënës nga 930 shkolla të ndryshme anembanë vendit në Vitin e Gjuhës Shqipe, ju uroj një javë të mbarë”, shkruan Rama.