Gara për PD/ Agron Shehaj “tremb” Bashën, “lumë” pëlqimesh dhe mbështetje në rrjetet sociale

Një kandidim surprizë që ka sjellë një kthesë të re në garën për kreun e opozitës është ai i deputetit të zgjedhur, Agron Shehaj.

Shehaj e ka njoftuar kandidimin në rrjetet sociale, duke theksuar se vendi ka nevojë për një opozitë parimore. Ajo që ka tërhequr menjëherë vëmendje është mbështetja e madhe që ai ka grumbulluar në rrjetet sociale. Mijëra qytetarë, e uronin në faqen e tij të “Facebook” për vendimin që kishte marrë, ndërsa shprehnin mbështetje maksimale.

Në postimin që Shehaj njoftonte kandidim janë arritur mbi 17 mijë pëlqime dhe më shumë se 4 mijë komente, pozitive.

Po ashtu, Vizion Plus pyet qytetarët në një sondazh se kush i fiton zgjedhjet për kryetari i PD: Lulzim Basha, Agron Shehaj, Edith Harxhi, Fatbardh Kadilli apo Ibsen Elezi.

Duke iu referuar mënyrës se si kanë votuar qytetarët, pjesa më e madhe dëshirojnë që PD të drejtohet nga Agron Shehaj.

Mesa duket, Shehaj, i cili ishte ishte edhe kandidati i dytë më i votuar i Partisë Demokratike në zgjedhjet e 25 prillit, do të jetë një kandidaturë e fortë përballë kreut aktual, Lulzim Basha.