Dyshohet për shpërdorim detyre, SPAK mbyll hetimet për kryebashkiakun e Tropojës

SPAK ka mbyllur hetimet për kryebashkiakun e Tropojës Rexh Biberi dhe Abedin Kërnaja.

Biberit pritet t’i komunikohet akuza e shpërdorimit të detyrës e kryer në bashkëpunim. Gazetarja e Top Channel Anila Hoxha raporton se në datën 13 dhjetor kryebashkiaku do njihet me akuzën dhe me mbylljen e hetimeve.

Dosja hetimore përmend si shkelje të kryebashkiakut dhe ish nën-kryetarit të bashkisë dhënien e një lejeje ndërtimi në komunën Margegaj.

Ai dyshohet se e kreu shpërdorimin e detyrës gjatë kohës kur mbante detyrën e kryetarit të komunës.