Bllokuan punimet e Kuvendit, përjashtohen 26 deputetë të opozitës

26 deputetë të opozitës janë përjashtuar për 10 ditë nga punimet e Kuvendit, pasi mëngjesin e të enjtes bllokuan punimet, duke kthyer përmbys karriget e ministrave.

Vendimi u mor nga Komisioni i etikës, pas kërkesës së grupit parlamentar socialist.

Rreth 45 deputetë të opozitës kanë reaguar sot në seancë plenare duke u përplasur me mazhorancën socialiste.

Përplasjet në Kuvend vijnë si pasojë e bllokimit që mazhoranca socialiste i ka bërë Komisioneve Hetimore dhe përfaqësimit të opozitës në Komisionin e Reformës Zgjedhore.