Berisha lëshon akuza të forta: I riu vret veten prej kërcënimeve të kandidatit të PS

Ish-kryeministri Sali Berisha bëri një denoncim të fortë këtë të mërkurë.

Në llogarinë e tij zyrtare në “Facebook”, Berisha shpërndau një mesazh nga “Qytetari digjital”, ku “zbulohet” se një i ri nga Lezha është vetëvrarë për shkak të kërcënimeve që ka marrë nga kandidati i PS.

Sipas mesazhit, socialisti e kërcënoi për lekët e votave, pasi humbi.

“Vetëvritet 27-vjeçari pas humbjes së Eduard Ndrecës në fshatin e tij.

Lexoni qytetarin dixhital.

Akuzon Eduard Ndrecën se pas humbjes në fshatin e tij i kërkoi me kërcënim të ndjerit lekët e dhëna për blerjen e votës. sb

Zoti ish-kryeministër! Po ju njoftoj që në fshatin Rrasë të Kalivaçit, qendra administrative Ungrej banditi i rilindjes Eduart Ndreca pasi humbi në fshatin e vet, i kërkoi duke e kërcënuar me jetë lekët e votave mbrapsht të ndjerit Kastriot Lukës! Ai në dëshpërim e sipër piu fotoksinë dhe fatkeqësisht ndërroi jetë 4-5 ditë pas zgjedhjeve në moshën 27-vjeçare. Eduard Ndreca është trafikanti i drogës së Kashnjetit që me lekët e drogës bleu votat në Lezhë, por populli nuk e votoi.