Ankimimet e PD dhe LSI për qarkun Durrës, KAS mblidhet sot për shqyrtimin e kërkesave

Komisioni i Ankesave dhe Sanksioneve do të mblidhet sot për të shqyrtuar kërkesat ankimore të PD dhe LSI për qarkun e Durrësit. Në ankimimin e PD kërkohet pavlefshmëri e zgjedhjeve dhe rivotim në të gjithë qarkun, ndërsa LSI ka kërkuar rinumërim të disa qendrave të votimit. KAS do të mblidhet sot në orën 10:00 për të shqyrtuar këto ankesa.

Më herët KAS vulosi përfundimisht rezultatin për qarkun Gjirokastër, Vlorë dhe Berat. Në Berat u pranua kërkesa për rinumërimin e votave të partive zgjedhore për 114 kuti me kërkesë të LSI dhe ajo që u vu re ishte se nga rreth 35 mijë fletë votimi të numëruara për herë të dytë bë Berat, LSI ka rikuperuar gjithsej me 15 vota, nga 77 që i duheshin për t'i marrë mandatin Partisë Socialiste. Rikuperimi prej 15 votash nga dhjetëra mijëra vota të numëruara tregon se proporcioni është totalisht i papërfillshëm.

Po ashtu KAS vendosi të rrëzojë kërkesat e PD dhe LSI për shpallje pavlefshmërie dhe përsëritje të zgjedhjeve në Berat, Gjirokastër dhe Vlorë.