Aleanca për Shqipërinë Madhështore/ Berisha: Ato 26 parti përfaqësojnë një të tretën e elektoratit!

Lideri i opozitës, Sali Berisha, ka zhvilluar në deklaratën për mediat nga selia e Partisë Demokratike, ka ftuar të gjitha forcat politike që e konsiderojnë Ramën si të keqen më të madhe për Shqipërinë të bashkohen për një kauzë të përbashkët.

Sipas Berishës, ky bashkim është një mundësi e shkëlqyer për të siguruar ndryshimin e nevojshëm dhe për të bërë Shqipërinë një vend më të mirë. Ai ka komentuar gjithashtu formimin e koalicionit dhe rolin e Partisë Demokratike, duke e quajtur atë një fitore të vërtetë për Shqipërinë Madhështore.

"Pavarësisht se të marra veçmas janë parti modeste në votat e tyre, por të marra së bashku kanë një elektorat qindra mijëra votash. Dhe unë u them se kjo është një fitore e vërtetë e aleancës për Shqipërinë Madhështore. Ndaj edhe e përshëndes sot dhe garantoj se është në përputhje me statutin e partisë.

Sikundër, përcaktimet statusore për kuotat e vajzave dhe grave në listat e mbyllura dhe të hapura dhe për kuotat e të rinjve në të dy palët e listave, janë eprore ndaj gjithçkaje tjetër për listat e PD-së.Askush të mos mendojë se ne nuk i qëndrojmë ligjeve të Kushtetutës sonë, statutit tonë.

Pra, shikoni çfarë procesi.

Imagjinoni padrinon në bodrumin e tij, që nuk dini asnjëri prej jush se kush kandidon në këtë qark apo atë qark sepse listat po bëhen nga organizatat e tjera kriminale.

Ka një panik, ka një tmerr në radhët e partisë së krimi", tha Berisha.