A po manipulohen provat në krime? Sula: Është gjynah, po fusin duart dhe te vrasjet e fëmijëve

Deputeti i PD, Dashnor Sula, deklaroi mbrëmjen e kësaj të marte në Quo Vadis  në Vizion Plus, foli dhe për ngjarjet e fundit kriminale në vend, ku një 14-vjeçar u vra nga bashkëmoshatari, ndërsa një 30-vjeçar u vra në rrugë dhe një biznesmen u ekzekutua pranë banesës.

Sula tha se jo i gjithë institucioni i Policisë së Shtetit por struktura të caktuara i janë nënshtruar krimit. Sipas tij policia ka manipuluar provat në vrasjen e 14-vjeçarit me urdhër nga alrt.

Pjesë nga biseda:

Borakaj: Vrasja e 14-vjeçarit, plagosja e një tjetër të riu, çfarë tregon kjo, a duhet të ishte një zë më i fortë e opozitës?

Sula: Është e paimagjinueshme që Policia e Shtetit, ku mbrëmë një përfaqësues thoshte që ne nuk shtrembërojmë prova, ndëkrohë që e kanë bërë me Klodian Rashën, e bënë me ngjarjen e Pogradecit. Ata kanë fshirë, prova, e kupton ku jetojmë, Ti pret që mbrojtje të jetë Policia, ndërkohë oficeri i policisë të vret. E kupton çfarë ndodh këtu. Më përpara nuk kanë qenë në këtë masë. Këta kanë krijuar një rrjetë të caktuar, një ldihje të caktuar politike. Makutëria për pasuri i shtrin deri aty.

Borakaj: Kanë kaq shumë ndikim përfaqësuesit e sistemit të drejtësisë të ndryshojnë ngjarje kriminale?

Sula: Në këtë rast ka qenë policia. Fillimisht oficeri i policisë gjyqësore e bëri saktë raportin më pas arritën shefat ta ndryshojnë.