Peshëngritësi i njohur Erkand Qerimaj paraqitet në SPAK, shuan zërat, tregon çfarë ndodhi

Peshëngritësi i njohur Erkand Qerimaj, është paraqitur sot në ambientet e Strukturës së Posaçme kundër Korrupsionit dhe Krimit të Organizuar (SPAK).

Përmes një postimi në rrjetet sociale, sportisti ka sqaruar arsyen e paraqitjes së tij, duke bërë me dije se ka depozituar një kallëzim pranë këtij institucioni. Qerimaj nuk ka dhënë detaje lidhur me objektin e kallëzimit apo personat ndaj të cilëve mund të jetë drejtuar ai.

Ai ka theksuar se paraqitja në SPAK nuk ka ardhur si pasojë e një thirrjeje nga institucioni për ndonjë çështje tjetër.

“Sqarim për opinionin publik: Sot jam paraqitur pranë SPAK-ut për të depozituar një kallëzim nga ana ime. Dua të sqaroj se nuk jam thirrur me fletëthirrje për t’u paraqitur për ndonjë çështje tjetër!”, shkruan Qerimaj.