VIDEO/ Aksident i rëndë, gjashtë të plagosurit ngecin brenda në makinë

ilustrim

Para pak minutash në Korroticë të Drenasit ka ndodhur një aksident i rëndë trafiku.

Në pamjet që ka siguruar Indeksonline shihet se personat kanë mbetur të mbyllur brenda veturës.

Qytetarët i janë vënë në ndihmë të aksidentuarve. Policia është në vendin e ngjarjes dhe po mirret me rastin.

“Sot rreth orës 16:00, në fshatin Korroticë e ulët të Drenasit, ka ndodhur një aksident trafiku, ku kanë qenë të përfshira dy automjete në lëvizje. Bazuar në të dhënat fillestare, si pasojë e këtij aksidenti lëndime të rënda trupore kanë pësuar 6 persona dhe të njëjtit janë dërguar për trajtimin e nevojshëm mjekësor. Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve që kanë sjellë deri te ky aksident”, njoftoi policia.