Tragjedi në Kosovë! Pas një sherri mes fëmijëve, përplasen keq të rriturit, një i vdekur

Një ngjarje e rëndë ka ndodhur një natë më parë në Kosovë. Mësohet se një person ka vdekur në fshatin Gadime të Lipjanit, pas një sherri, nisur nga një mosmarrëveshje. Sipas mediave kosovare, e gjithë nisi nga një mosmarrëveshjeje mes fëmijëve dhe më pas është kthyer në konflikt mes prindërve.

“Rreth orës 22:00, policia ka marrë informatën për një vrasje të ndodhur ne rrugën ” 6 Maji ” në fshatin Gadime në Lipjan. Menjëherë pas marrjes së informatës policia ka dalë në vendin e ngjarjes duke ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Nga informacionet e para janë ngritur dyshimet se një mosmarrëveshje mes disa personash ka rezultuar me vrasje të një personi, ndërkohë që dyshohet edhe për disa të lënduar”, tha zëdhënësi i Policisë së Kosovës për rajonin e Prishtinës, Agron Borovci.

Aktualisht po vijon faza fillestare e ndërmarrjes së veprimeve hetimore dhe atyre të ekzaminimit të vendngjarjes në funksion të ndriçimit të plotë të këtij rasti.