Ra nga lartësia e hotel "Rogner" në Tiranë, kush është 28-vjecari nga Maqedonia e Veriut

Policia njoftoi dje se një ngjarje e rëndë ka ndodhur pasditen e së premtes në Tiranë ku një 28 vjeçar ka rënë nga lartësia e një hoteli në Tiranë dhe ka humbur jetën.

Viktima është i riu Ajdin Mustafi, 28-vjeç nga Maqedonia e Veriut, i cili po qëndronte si klient në hotel dhe në momentin që ai ka qenë i mbështetur në hekurat e ballkonit në hotel ato janë këputur dhe ai ka rënë.

Dyshohet se mbrojtësja metalike nuk ka qenë e fiksuar mirë, e për pasojë i riu ka rënë nga lartësia e katit të 5-të.

Trupi i të riut në dysheme është gjetur së bashku me mbrojtësen metalike të ballkonit.

28-vjeçari është dërguar më urgjencë në spital, por nuk ka mundur që t’u mbijetojë plagëve dhe ka ndërruar jetë.

Ndërkohë përmes postimeve në Facebook miqtë e tij prekin me fjalët të të riun.

“Ikja jote e hershme ësht e rënd për të gjith. Do të mbeshtesh përgjithmon ni shok i zemrës, ni koleg i dashur dhe ni punonjës shëmbullor. Allahu te mëshiroft Ajdin. Ngushllime familjes Mustafi”, shkruhet në rrjete sociale, citon top channel.