Qeveria e Kosovës vijon gërrmimet në Serbi për gjetjen e trupave që nga lufta e Kosovës

Në Kizhevak të Rashkës, serbi, qeveria e Kosovës vijon gërmimet për gjetjen e mbetjeve mortore të viktimave të luftës së fundit në Kosovë. Kujtojmë se puna ka nisur që më 5 maj. Zyra e kryeministrisë njofton: “Gjatë këtyre ditëve, me qëllim të krijimit të mundësive për të vazhduar me zhvarrosjen e eshtrave, mbetjeve mortore, të viktimave të luftës, është bërë dekonservimi i terrenit për të filluar me gërmimet vlerësuese, përfshirë edhe largimin e dheut dhe gurëve të hedhur në këtë lokacion të varrezës masive gjatë vitit 1999 dhe vitet e para të pasluftës”, thuhet në njoftimin për media të lëshuar nga Zyra e kryeministrit.

Në këtë lokacion sipas qeverisë, gërrmimet do vijojnë deri në zhvarrosjen e të gjithë eshtrave të viktimave të luftës që mund të jenë. Kujtojmë se një vit më parë, gërrmimet e para në varrezën masive në Kizhevak janë bërë në fund të vitit të kaluar. Atje u gjetën mbetjet mortore të 4-5 personave. Atëbotë, autoritetet kanë thënë se kërkimet në Kizhevak do të vazhdojnë në vitin 2021, pasi të përmirësohen kushtet e motit.