Mbyllet numërimi i votave në Kosovë, Vetëvendosja 40.90 %, PDK me 22.04 %, LDK 17.64 %, AAK-NISMA 7.46 %

Kur kane kaluar 24 ditë pas zgjedhjeve të nëntë shkurtit, ka përfunduar numërimi i votave të qytetarëve që morën pjesë në këtë proces.

Më 5 mars në orën 21:00, në Qendrën e Numërimit dhe Rezultateve përfundoi numërimi i votave të fundit.

Më pesë mars, në orën 21:00 është përmbyllur procesi i numërimit të më shumë se 15 mijë e 500 fletëvotimeve nga votimi me kusht dhe nga votimi i personave me nevoja të veçanta, të cilat njëkohësisht janë fletëvotimet e fundit që numërohen

Numërimi i votave brenda Kosovës, nxjerrë si parti të parë, Lëvizjen Vetëvendosje me 40.90 %, e dyta renditet Partia Demokratike e Kosovës me 22.04 %, pastaj Lidhja Demokratike e Kosovës me 17.64 %, e Koalicioni AAK-NISMA ka marrë 7.46 % të votave.

Nga votat e diasporës në përfaqësitë diplomatike prin Lëvizja Vetëvendosje me 80.71 %, pas saj është PDK me 7.73 % të votave, LDK-ja ka marrë 7.30 % e AAK-NISMA 1.97 %. Edhe nga votat e diasporës me postë, prin Lëvizja Vetëvendosje me 51.57 % e dyta është LDK-ja me 30.55 %, pastaj PDK-ja me 9.48 % e AAK-NISMA ka marrë 3.23 %.

Megjithatë, për të shpallur rezultatet përfundimtare, Komisioni Qendror i Zgjedhjeve duhet të presë dy ditë, bazuar në Ligjin për Zgjedhjet e Përgjithshme.

Ky nen, parasheh mundësinë që në PZAP, në një afat brenda 48 orëve nga ndodhja e shkeljes së supozuar, të paraqiten ankesat për administrimin e numërimit që është zhvilluar në Qendrën e Numërimit dhe Rezultateve

Pas shpalljes së rezultateve përfundimtare, deri në 12 ditë është afati për ankesa rreth rezultatit në Panelin Zgjedhor për Ankesa dhe Parashtresa dhe në Gjykatën Supreme e tek atëherë mund të certifikohen rezultatet e zgjedhjeve parlamentare të nëntë shkurtit.