Maqedoni e Veriut, afganja sjell në jetë fëmijën sapo zbret në Shkup, 4 të tjera shtatzënë

Pas Shqipërisë dhe Kosovës, grupi i parë i afganëve u vendos edhe në Maqedoninë e Veriut, për t'u strehur në një afat të papërcaktuar deri në zhvendosjen e tyre drejt SHBA-ve.

Mësohet se një refugjatë afgane ka lindur beben në Shkup një ditë pasi mbërriti në Maqedoninë e Veriut.

Mediat maqedonase thonë se afganja ishte shtatzënë dhe kishte udhëtuar me avion mbrëmjen e kaluar.

Ajo dhe foshnja janë në gjendje të mirë shëndetësore.

Ndërkohë në Maqedoninë e Veriut kanë mbërritur dhe 149 refugjatë të tjerë afganë, 4 prej të cilave gra shtatzëna.