Kosova drejt normalitetit, vetëm tre të infektuar dhe asnjë viktimë në 24 orët e fundit

Ministri i Shëndetësisë së Kosovës, Arben Vitia, përmes një postimi në facebook ka bërë publike gjendjen pandemike në vendin fqinj, teksa duket se po i rikthehet normalitetit.

Sipas të dhënave të raportuara Kosova ka regjistruar vetëm 3 raste të reja nga COVID-19 në 24 orët e fundit, ndërkohë që nuk ka pasur asnjë viktimë. Në total u kryen 1 mijë e 859 testime teksa shifrat në Kosovë po shkojnë drejt zeros.

9 persona e kanë fituar betejën së fundmi me COVID-19.

Ditën e sotme, Kosova ka marrë mbi 182 mijë doza të vaksinës Astrazeneca, donacion nga Norvegjia.

Postimi i plotë:

03 Korrik 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:

Në 24 orët e fundit janë dhënë 11.900 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 204.774 doza të vaksinës.

Deri më sot 48.437 qytetarë janë vaksinuar me dozën e dytë.

Nga 1.859 testime, 3 qytetarë kanë rezultuar pozitiv me virusin COVID-19.

Gjatë 24 orëve të fundit, nuk është shënuar asnjë rast i vdekjes.

Sot janë shëruar 9 qytetarë, derisa numri i përgjithshëm i të shëruarve është 105.362.

Në total numri i rasteve aktive është 166.

Mbani maskat!

Respektoni distancën!

Mbani higjienën!