Jakup Krasniqi merr lajmin e hidhur në Hagë, humb jetë vëllai i tij

Vëllai i ish-kryetarit të Kuvendit të Kosovës Jakup Krasniqi, Azem Krasniqi, ka ndërruar jetë. Lajmi i hidhur është bërë me dije me anë të një postimi në rrjetet sociale.

Ceremoni e varrimit do të mbahet sot në orën 17.00, në varrezat e lagjës “Llokme” në Negroc

“Të nderuar familjarë, miq e dashamirë, Me dhimbje të thellë ju njoftojmë se sot ka ndërruar jetë më i dashuri ynë, babai (Azem Januz Krasniqi). Varrimi bëhet nesër më 06.10.2024, në ora 17:00, në varrezat e lagjës “Llokme” në Negroc”, shkruan djali i të ndjerit në facebook.

Këtë lajm të hidhur Jakup Krasniqi e ka marrë në Hagë, ku ndodhet në paraburgim prej 4 vitesh pasi po hetohet për krime lufte.

Nuk dihet nëse Jakup Krasniqi do të arrijë të marrë leje të posaçme për t’i dhënë lamtumirën e fundit të vëllait.