Integrimi europian/ Mali i Zi i afrohet BE-së, Beogradi nis aksionin për të bllokuar fqinjin

Mali i Zi është kandidati kryesor për t’u anëtarësuar në Bashkimin Europian.

Por zyrtarët, diplomatët dhe ekspertët kanë frikë se Beogradi do të bëjë gjithçka që mundet për ta parandaluar këtë, duke e lënë Brukselin në një pozicion të vështirë midis dy vendeve kandidate.

Ndërsa Mali i Zi po i afrohet vijës së finishit, përpjekja e pranimit të Serbisë duket e vdekur në ujë: Beogradi ende nuk i ka hapur të gjitha grupet e negociatave me BE-në dhe tetë shtete anëtare bllokuan përpjekjen e saj të fundit muajin e kaluar.

“Ne shohim disa veprime nga qeveria [serbe] dhe partitë opozitare që e ndërlikojnë situatën e brendshme në Mal të Zi”, u tha gazetarëve eurodeputeti Tonino Picula (Kroaci/S&D) përpara votimit plenar të korrikut mbi raportin vjetor të progresit mbi vendet kandidate.

Tre zyrtarë që punojnë për Komisionin Europian dhe qeveritë kombëtare pranuan se ishin në dijeni të këtyre përpjekjeve për të ndërhyrë në punët e brendshme të Malit të Zi, një ndërlikim unik për BE-në.