Himni shqiptar u “harrua" gjatë kongresit të VLEN, ish-ministri Osmani: E ndaluan gjuhën shqipe, nënçmuan vullnetin e popullit

Ish-ministri i Jashtëm i Maqedonisë së Veriut, dhe nënkryetari i BDI, Bujar Osmani, ka reaguar pas mungesës së himnit shqiptar në kongresin e VLEN.

Përmes një postimi në Facebook, Osmani kritikoi ashpër koalicionin VLEN, duke e lidhur këtë situatë edhe me çështje të tjera që sipas tij kanë prekur shqiptarët në vend.

“E ndaluan gjuhën.
E ndërprenë përfaqësimin e drejtë.
E nënçmuan vullnetin e popullit.
E bllokuan Evropën.
Tani heshtën edhe himnin”, shkroi Osmani në reagimin e tij.

Deklarata e tij vjen mes reagimeve të shumta në North Macedonia dhe Kosovo lidhur me mungesën e himnit shqiptar në aktivitetin e zhvilluar nga VLEN.