Gjykata e Lartë refuzon ankesën e Vetëvendosjes

Gjykata e Lartë refuzon ankesën e Vetëvendosjes

Kolegji i Gjykatës Supreme e ka refuzuar si të pabazuar ankesën e subjektit politik, Lëvizja Vetëvendosje, ndërsa vendimi i Panelit Zgjedhor për Ankesa dhe Parashtresa, të datës 30.11.2025, është vërtetuar.

PZAP, me vendimin të datës 30.11.2025, ka pranuar si të bazuar ankesën ZP.A.nr.3/2025, e datës 27.11.2025, e parashtruar nga Subjekti Politik Lidhja Demokratike e Kosovës (LDK), dhe ka ndryshuar vendimin Nr.01/3438-2025, të datës 26.11.2025, të Komisionit Qendror të Zgjedhjeve (KQZ), sa i përket Qendrave të Votimit jashtë Kosovës, numrit të vendvotimeve, si dhe listën e qendrave të votimit, ashtu që si Qendra të Votimit jashtë Kosovës për Zgjedhjet e Parakohshme për Kuvendin e Republikës së Kosovës, që do të mbahen më 28 dhjetor 2025, caktohen përfaqësitë diplomatike të Republikës së Kosovës apo hapësirat e tyre, shkruan KosovaPress.