Drejtësi për vrasjen e Liridona Ademajt/ Sot vendimi për tre të akuzuarit, familjarët e viktimës ....

Ditën e sotme pritet të shpallet vendimi për tre të akuzuarit për vrasjen e Liridona Ademajt, një krim që tronditi opinionin publik në nëntor të vitit 2023 në Kosovë.

Pak minuta para nisjes së seancës, në sallën e gjyqit kanë mbërritur familjarët e viktimës. Mes tyre është vënë re edhe vëllai i saj, i cili ka qenë një nga zërat më këmbëngulës në kërkim të drejtësisë për Liridonën.

Në bankën e të akuzuarve ndodhen Naim Murseli, ish-bashkëshorti i viktimës, si dhe Granit Plava dhe Kushtrim Kokalla. Prokuroria ka kërkuar dënime maksimale për të tre, duke i konsideruar përgjegjës për një nga krimet më të rënda të viteve të fundit.