Dhunohet lideri i opozitës serbe, tentoi të hiqte pankartën që e cilësonte si hajdut

Protestat dhe tensionet që kanë shpërthyer për javë të tëra në Serbi kanë arritur një kulm të ri me një incident të rëndë, dhunimi i liderit opozitar Dragan Djilas. Sipas raporteve, Djilas ka tentuar të ndalojë aktivistët e partisë së Aleksandër Vuçiç që po vendosnin postera kundër tij, çka ka çuar në një përplasje fizike.

Luka Petroviç, sekretari për Investimet në Bashkinë e Beogradit, i cili është i dyshuari kryesor i incidentit, ka deklaruar se ishte Djilas që e sulmoi i pari pasi pa se posterat mbanin emrin e tij dhe etiketën “hajdut”. Ky interpretim është mbajtur edhe nga kryeministri Milos Vuçeiviç, i cili theksoi se Djilas kishte sulmuar aktivistët e partisë së tij.

Ky incident është një tjetër episod i rëndë që thellon klimën e tensionuar politike në Serbi dhe kontribuon në përshkallëzimin e përplasjeve mes opozitës dhe qeverisë aktuale.