Covid-19 nuk ndalet në Kosovë, i merr jetën 26-vjeçares shtatëzanë

Një tjetër grua shtatëzanë ka ndërruar jetë në Kosovë, si pasojë e Covid-19. Mediat kosovare bëjnë me dije se viktima është një 26-vjeçare, e cila pas lindjes me operacion, ajo transferuar tek të shtruarit që marrin mjekim intesiv, pasi gjendja e saj shëndetësore ishte në gjendje të rëndë.

Lajmin e bëri me dije anesteziologu, Gazmend Spahija. “Gruaja ka vdek sot ka ora 02.30. Ajo është sjellë në gjendje shumë të rëndë me datë 2 shtator pas intervenimit kirurgjik cezarian, pacientën e kanë transferuar në intensivë.

 Gjendja ka qenë shumë e rëndë, përpos dështimit të funksionit të mushkërive edhe të organeve. Është kryer lindja me intervenimin kirurgjik, prej sallës është sjell në intensivë”, ka thënë ai. Sipas këtij të fundit, 26-vjeçarja kishte rezuktuar e infektuar me Covid me 3 gusht të këtij viti./express