Bie sërish numri i infektimeve nga COVID-19 në Kosovë, 11 raste të reja dhe 1 viktimë në 24 orët e fundit

KOSOVË- Në Kosovë gjatë 24 orët e fundit kanë rezultuar me koronavirus 11 persona dhe është raportuar 1 viktimë.

Në raport me ditën e djeshme numri i rasteve të reja ka pësuar një ulje sërish, ndërsa numri i viktimave është po i njëjtë.

258 persona kanë arritur të fitojnë betejën me COVID-19 gjatë 24 orët e fundit.

Sipas IKSHPK-së rastet pozitive janë nga komunat: Drenas 3 raste, Prishtinë 3 raste, Rahovec 2 raste dhe me nga një rast komunat Kaçanik, Skenderaj dhe Viti.

Rasti i vdekjes është nga komuna: Prizren 1 rast (67 vjeç).

Numri total i infektimeve nga koronavirusi ka shkuar 107.269, ndërkohë që ai i viktimave është 2.241 në të gjithë vendin që nga fillimi i pandemisë, duke përfshirë edhe përditësimet e ditës së sotme.

Procesi i vaksinimit në Kosovë ka nisur më 28 mars, kur në vend mbërritën dozat e para të vaksinës anti-COVID.

Situata epidemiologjike në Kosovë paraqitet mjaft e stabilizuar.