E marta mes diellit dhe erës së fortë / Ja si do të ndryshojnë temperaturat

Ditën e martë vendi ynë do të ndikohet nga masa ajrore të thata e të qëndrueshme perëndimore, të cilat pritet të sjellin mot të kthjellët në të gjithë territorin, gjatë gjithë ditës.

Era do të fryjë me drejtim jugperëndim–juglindje me shpejtësi mesatare 6m/s, ndërsa përgjatë vijës bregdetare era pritet të arrijë shpejtësi deri 14m/s.

Temperaturat maksimale pritet të arrijnë deri në 24 gradë celcius, ndërsa ato minimale në 5 gradë celcius.