Zbardhen detaje nga takimi/ Çfarë i tha Irani, Vladimir Putinit për sulmet përballë Izraelit

Pas takimit me presidentin rus, Vladimir Putin, ministri i jashtëm iranian njoftoi se zhvilloi një takim të mirë me udhëheqësin rus, raporton agjencia shtetërore e lajmeve ruse RIA.

Zëdhënësi i Kremlinit, Dmitry Peskov, tha se Putini dhe Abbas Araghchi diskutuan në detaje zhvillimet në Lindjen e Mesme, me një fokus të veçantë në drejtimin e situatës rajonale drejt një zgjidhjeje paqësore.

Gjatë takimit të tyre sot, Putini dënoi “agresionin e paprovokuar” ndaj Iranit.

Ai tha gjithashtu se sulmet ndaj vendit nuk kishin “asnjë bazë dhe asnjë justifikim”. Ai shtoi se Rusia, një nga aleatët kryesorë të Iranit po bënte përpjekje për t’i ofruar ndihmë popullit iranian.