Vritet me th'ikë 31-vjeçarja në një stacion treni në Gjermani, arrestohet autori i dyshuar

Një grua 31-vjeçare britanike vdiq pasi u godit me thikë nga një burrë në një stacion treni në Rosenheim të Gjermanisë, sipas policisë në qytetin bavarez. Gruaja u sulmua rreth orës 01:00 të mëngjesit.

Oficerët e policisë federale arritën të arrestonin në vend sulmuesin e dyshuar, një shtetas gjerman 27-vjeçar. Motivi dhe rrethanat e ngjarjes nuk janë bërë me dije, raporton BBC.

E reja u dërgua menjëherë në spital por vdiq nga plagët e rënda.

Rosenheim është një nga qytetet më të mëdha në Bavarinë e Epërme dhe është një qendër hekurudhore e ngarkuar për pasagjerët që udhëtojnë në qytete austriake, përfshirë Vjenën, Salzburgun dhe Innsbrukun.