VIDEO/Një ortek i tmerrshëm përfshin një vendpushim skish në Rusi

Një ortek masiv ka goditur resortin e skive Elbrus në Rusi, pranë kufirit me Gjeorgjinë.

Videot e regjistruara të enjten tregojnë një masë të madhe dëbore që bie nga shpati i malit në Rusinë jugore dhe shkon drejt parkingut të resortit të skive Elbrus në rajonin Kabardino-Barkaria, duke i bërë turistët të vrapojnë në panik për siguri.

Në video, njerëzit fillimisht shihen duke e parë ortekun të tronditur, përpara se të kuptojnë rrezikun e afërt.

Disa përpiqen të largohen, por brenda sekondave zona është e mbuluar plotësisht nga një re e trashë e bardhë bore.

Pavarësisht ashpërsisë së fenomenit, autoritetet nuk kanë raportuar vdekje apo lëndime serioze./CNN