Video/ Burri ndez cigaren në një pikë karburanti në Brazil dhe merr flakë, shokët e tij shpëtojnë mrekullisht

Një burrë dhe miqtë e tij gati sa nuk u vranë kur njëri prej tyre ndezi një cigare dhe i vuri flakën një stacioni benzine në Brazil.

Incidenti tronditës ndodhi në qytetin Timon, në shtetin verilindor të Maranhão. Momenti dramatik u kap në video kur burri ndezi cigaren dhe, sipas Globo, hodhi shkrepësen në tokë, duke shkaktuar shpërthimin e flakëve të mëdha.

Duhanpirësi dhe miqtë e tij që ishin në tavolina vrapuan për të ikur. Në të njëjtën kohë, një burrë po mbushte kamionin e tij me benzinë, disa metra larg flakëve. Askush nuk u lëndua në këtë incident, ndërsa një punonjës i pikës së karburantit mori një fikëse zjarri për të shuar flakët.