Vaksinimi po ecën me ritme të shpejta, SHBA jep lajmin e mirë për heqjen e maskave

Në një vit e disa muaj pandemi, mbajtja e maskës është një nga kushtet që ka shqetësuar shumë njerëzit. Për këtë çështje dhe pyetjen se kur do hiqen, ka folur Anthony Fauci, imunologu dhe këshilltari kryesor amerikan në Shtëpinë e Bardhë për shëndetësi. Për CNN ai tha se udhëzimet për mbajtjen e maskave brenda do të ndryshohen së shpejti.

“Unë mendoj se me siguri do ta shihni këtë lehtësim ndërsa shkojmë më tej dhe sa më shumë njerëz vaksinohen”, tha Fauci. Ky i fundit gjithashtu gëzon postin e drejtorit të  Institutit Kombëtar të Alergjisë dhe Sëmundjeve Infektive.

Më tej, Fauci njoftoi se Qendra Amerikane për Kontrollin dhe Parandalimin e Sëmundjeve (CDC) do të azhurnojë udhëzimet e saj sepse gjithnjë e më shumë amerikanë po vaksinohen.