Vaksinimi i grupmoshave mbi 16-vjeç, ekspertët amerikanë rekomandojnë Pfizer

Grupmoshat mbi 16-vjeç duhet të marrin vaksinën Pfizer/ BioNTech. Kështu ka deklaruar Komiteti Këshillimor për Qendrat e Kontrollit dhe Parandalimit të Sëmundjeve në SHBA (CDC), me qëllim për të përshpejtuar vaksinimin në SHBA.

Ndërkohë kujtojmë se një javë më parë, Administrata Amerikane e Ushqimit dhe Barnave miratoi vaksinimin me këtë vaksinë, që më herët ishye miratuar për përdorim urgjent. Zyrtarët shëndetësorë shpresojnë se miratimi dhe rekomandimi zyrtar i CDC do të nxisë  më shumë amerikanë të vaksinohen. Me miratimin e plotë të FDA-së, disa kompani dhe shtete kanë filluar ta bëjnë të detyrueshëm vaksinimin kundër Covid-19.

Shkalla e vaksinimit mbetet e ulët në disa zona të Shteteve të Bashkuara, duke kontribuar në një rritje të shtrimeve në spital për shkak të variantit Delta. Disa nga anëtarët e komitetit thanë se rritja e vaksinimeve përpara vjeshtës do të ishte vendimtare për rikthimin e sigurt të fëmijëve në shkollë./abcnews