Ukraina pranoi armëpushimin, zbulohet data e telefonatës mes Trump dhe Putin

Rusia nuk ka përjashtuar kontaktet me përfaqësuesit e SHBA-së në ditët e ardhshme.

Kështu deklaroi zëdhënësja e Ministrisë së Punëve të Jashtme ruse, Maria Zakharova, në një bisedë me gazetarët.

"Ne nuk përjashtojmë kontaktet me përfaqësuesit e SHBA gjatë ditëve të ardhshme," vuri në dukje Zakharova, duke iu përgjigjur një pyetjeje.

Nga ana tjetër, gazetari Dmitry Smirnov, raportoi se biseda midis liderit rus Vladimir Putin dhe presidentit amerikan Donald Trump do të zhvillohet të premten, më 14 mars.

Ai tha se "do të jetë më shumë se një bisedë telefonike".

Më herët, Trump tha se shpresonte që Rusia të binte dakord për një armëpushim . Presidenti amerikan tha gjithashtu se do të fliste me Putinin këtë javë.

Deklaratat e Trump erdhën pasi Ukraina ra dakord të pranonte një propozim të SHBA-së për një armëpushim 30-ditor.