U kap me mbi 30 kg kokainë, arrestohet 28-vjeçari shqiptar në Itali

Një 28-vjeçar shqiptar është arrestuar nga policia italiane, pasi gjatë kontrollit i janë gjetur 34.5 kg lëndë narkotike e llojit kokainë.

Sipas mediave vendase gjatë ndalimit të 28-vjeçarit shqiptar i janë gjetur 10 pako kokainë brenda në makinë, më pas policia ka ushtruar kontroll edhe në banesë ku ka gjetur edhe 20 blloqe të tjera.

Gjithashtu lënda narkotike dhe 5 mijë euro cash janë sekuestruar në cilësinë e provës materiale. Po ashtu janë sekuestruar celularë, një peshore precize dhe materiali për paketimin e lëndës narkotike.