Trump: Ushtria amerikane po rimbush municionet gjatë armëpushimit me Iranin, jemi gati për veprim

Donald Trump ka deklaruar se ushtria amerikane po shfrytëzon periudhën e armëpushimit me Iranin për të rimbushur rezervat e saj me municione dhe pajisje ushtarake.

Sipas tij, Shtetet e Bashkuara kanë përdorur një pjesë të arsenalit në këtë periudhë dhe tani po kryhet furnizimi me armët dhe municionet më të avancuara. Trump u shpreh se ushtria amerikane është “gati për veprim” dhe se procesi i rimbushjes së rezervave është në zhvillim.

Deklaratat e tij vijnë në vijim të komenteve të mëparshme për një “rivendosje ushtarake”, ku ai ka theksuar forcimin e kapaciteteve të ushtrisë amerikane dhe modernizimin e arsenalit.