Tensione në Moskë, qindra dronë ukrainas vërshojnë mbi kryeqytetin rus

Ukraina është duke realizuar një sulm të madh me dronë kamikaz me objektiv kryeqytetin e Rusisë, Moskën.

Sipas raportimeve paraprake nga kanalet në Telegram dhe në rrjetin social "X", numri i dronëve të lëshuar nga Ukraina është disa qindra.

Kanalet lokale raportojnë për disa qindra dronë në ajër, ndërsa fluturimet drejt aeroporteve të zonës së Moskës janë pezulluar.

Kryetari i Bashkisë së Moskës, Sergei Sobyanin, pretendon se deri tani janë rrëzuar 21 dronë që po i drejtoheshin kryeqytetit rus, ndërsa ekipet e emergjencës po ndërhyjnë në vendet ku kanë rënë mbetjet e tyre.

Sulmi masiv duket se vjen si një kundërpërgjigje ndaj sulmit me raketa që Rusia ndërmori gjatë natës ndaj disa qyteteve ukrainase.