Starmer i drejtohet Trump: Vendosja e tarifave ndaj aleatëve të NATO-s është e gabuar

Kryeministri britanik Keir Starmer pati sot një bisedë telefonike me Presidentin e SHBA-së Donald Trump, njoftoi një zëdhënës i kryeministrit.

"Kryeministri përsëriti qëndrimin e tij për Groenlandën. Ai theksoi se siguria në Polin e Veriut është një përparësi për të gjithë aleatët e NATO-s, me qëllim mbrojtjen e interesave euroatlantike", tha zëdhënësi.

"Për më tepër, ai theksoi se vendosja e tarifave ndaj aleatëve për të mbrojtur sigurinë kolektive të NATO-s është e gabuar."

Zëdhënësi shtoi se Starmer pati sot edhe biseda telefonike me kryeministren daneze Mette Frederiksen, Presidenten e Komisionit Evropian Ursula von der Leyen dhe Sekretarin e Përgjithshëm të NATO-s Mark Rutte/CNN