Spitali grek merr përsipër të shpëtojë jetën e foshnjes, paguan 2 milionë euro për kurimin

Spitali “Venizelos” në Kretë ka marrë ëprsipër shpëtimin e një foshnje që ka lindur me një problem të rëndë shëndetësor. Mediat vendase shkruajnë se bordi i spitalit miratoi një ilaç 1.800.000 euro, që duhej për fëmijën. Mësohet se ky i fundit ka lindur me një atrofi muskulare spinale, e njohur dhe si atrofi muskulare e shpinës, një sëmundje e rrallë me origjinë gjenetike.

Sipas mjekëve, shkruajnë mediat greke, për pak kohë fëmija do paraqiste atrofi muskulare deri në Tipin 1, që shkakton vdekje. Duke qenë kurimi kushton pothuajse 2 milionë euro, spitali mori përsipër çdo shpenzim. Mësohet se ekipi shkencor është në pritje të ecurisë së gjendjes shëndetësore, në një rast tepër të rrallë, e deri pak kohë më parë fare të pashpresë.