Situatë alarmante! Pothuajse gjysma e të infektuarve me Covid janë regjistruar në Indi

Organizata Botërore Shëndetësore ka publikuar raportin e fundit, lidhur me numrin e të prekurve me Covid-19, ku bën me dije se vetëm 46% e tyre janë në Indi. Sipas OBSH, rastet në Indi kapën kulmin,, për shkak të variantit të ri indian, duke çuar spitalet në kolaps, mungesë në shtretër, oksigjend he ilaçe.

Sipas OBSH, India raportoi gati 2.6 milionë raste të reja, 20% më shumë nga një javë më parë. Sipas raportit të OBSH, India është vendi i dytë që ka regjistruar 20 milionë të infektuar, pas SHBA. Numri i të viktimave në Indi është rritur me 3,780 në 24 orët e fundit ndërsa vendi ka regjistruar  382,315 raste, sipas shifrave nga ministria e shëndetësisë së vendit.