Shtëpia tre katëshe merr flakë, pas disa orësh shembet. Humbin jetën pesë persona

Një shtëpi tre katëshe, që më parë ishte përfshirë nga flakët në periferi të Bangkok, Tajlandë, u shemb, duke i marrë jetën edhe pesë personave.

Zjarri filloi mëngjesin e ditës së sotme dhe u shua rreth një orë më vonë, ndërsa shkaqet e saj mbeten të paqarta.

Një zjarrfikës, i cili kishte ngjitur shkallët, në murin e jashtëm, për të parë dëmin nga afër, shpëtoi në minutën e fundit.

“Dëgjova një tingull sikur diçka po prishej dhe e gjithë ndërtesa u shemb në sekonda”, tha një zjarrfikës tjetër i cili regjistroi skenën dhe postoi imazhet në faqen e tij në Facebook. “Shpëtuesit u urdhëruan të largoheshin nga ndërtesa sepse skeleti i tij dukej i dobët”, shtoi ai.

Të paktën pesë njerëz u vranë, duke përfshirë një banor i shtëpisë dhe katër punëtorë shpëtimi. Kërkimi për të mbijetuarit në rrënojat u ndërpre kur ra nata.