Shpërthen në flakë anija e Koresë së Jugut brenda Ngushticës së Hormuzit, dyshohet të jetë sulmuar

Një anije e Koresë së Jugut ka shpërthyer në flakë në Ngushticën e Hormuzit, një nga pikat më të ndjeshme detare në botë për transportin e naftës dhe tregtinë ndërkombëtare.

Sipas Ministrisë së Jashtme të Koresë së Jugut, ngjarja ka ndodhur rreth orës 20:40 sipas kohës së Seulit, ndërsa anija ndodhej pranë ujërave të Emirateve të Bashkuara Arabe.

"Një shpërthim dhe zjarr ndodhi në bordin e një anijeje të operuar nga një kompani anijesh koreano-jugore që ishte në ndaluar pranë Emirateve të Bashkuara Arabe, brenda Ngushticës së Hormuzit. Aktualisht nuk ka viktima të raportuara", njoftoi Ministria.

Autoritetet koreano-jugore bëjnë me dije se dyshimet e para flasin për një sulm të mundshëm, megjithëse shkaku i saktë i shpërthimit ende nuk është konfirmuar.

Fatmirësisht, deri tani nuk raportohen viktima nga incidenti, ndërsa ekipet përkatëse po punojnë për vlerësimin e dëmeve dhe zbardhjen e plotë të rrethanave.

Ministria e Jashtme në Seul ka deklaruar se po ndjek nga afër situatën në bashkëpunim me autoritetet lokale në rajon.