Shmanget tragjedia në aeroport, avionët pak metra larg përplasjes

Reagimi në kohë i një piloti shmangi një tragjedi të mundshme në Aeroportin Midway në Chicago. Një avion i Southwest Airlines ishte duke bërë ulje kur rruga iu zu nga një tjetër mjet fluturues. Aeroplani privat kishte hyrë në piste i paautorizuar, sipas Administratës Federale të Aviacionit.

Fluturimi 2504 u ul i sigurt në aeroportin e Chicago-s, pasi ekuipazhit iu desh të manovronte në pak sekonda për të shmangur një përplasje të mundshme. Incidenti është duke u hetuar.