Shirat nxorrën në breg të lumit qindra trupa, qeveria mohon akuzat se janë viktimë e Covid-19

Një skandal ka plasur në Indi, lidhur me mijëra trupa që sipas mediave vendase, janë varrosur në brigjet e lumit Ganges. Mediat shkruajnë se skandali ka ndodhur në pjesën veriore të Indisë dhe sipas mediave lokale, viktima të Covid-19 janë varrosur në lum.

Këto akuza, qeveria nuk i ka pranuar. Zëdhënës i qeverisë së shtetit, Navneet Sehgal, mohoi të dielën njoftimet e medias lokale. “Vë bast që këto trupa nuk kanë asnjë lidhje me COVID-19“, tha ai. Mediat ndërkombëtare shkruajnë se trupat u ekspozuan për shkak të shirave që përfshinë zonën. Ata ishin të mbuluar me pëlhurë e groposur në brigjet e lumit që ndodhet në Prayagraj, një qytet në shtetin Uttar Pradesh.

K.P. Singh, një oficer i lartë policie, tha se autoritetet kishin caktuar një hapësirë për djegien e trupave të atyre që kanë vdekur nga COVID-19 dhe se policia nuk po lejonte më asnjë varrim në bregun e lumit. Ai shtoi se autoritetet shtetërore Sehgal kanë gjetur “një numër të vogël” trupash në brigjet e lumit, por pa dhënë asnjë shifër.