SHBA në OKB: Çdo sulm iranian ndaj qytetarëve dhe bazave amerikane do të përballet me 'hakmarrje shkatërruese'

Ambasadorja e SHBA-së në OKB, Dorothy Shea, sapo ka folur në takimin e Këshillit të Sigurimit të OKB-së.

Ja një përmbledhje e asaj që tha ajo:

Sulmet ushtarake amerikane shënjestruan objektet bërthamore [iraniane]… me qëllim çmontimin e kapacitetit të pasurimit bërthamor të Iranit.

Irani e ka errësuar prej kohësh programin e tij të armëve bërthamore dhe ka penguar përpjekjet me mirëbesim në negociatat e fundit.

Më në fund erdhi koha që Shtetet e Bashkuara, në mbrojtje të aleatit të tyre dhe në mbrojtje të qytetarëve dhe interesave tona, të vepronin me vendosmëri.

Irani nuk duhet të përshkallëzojë situatën… çdo sulm iranian, i drejtpërdrejtë ose i tërthortë, kundër amerikanëve ose bazave amerikane do të përballet me hakmarrje shkatërruese.

Pjese nga deklaratat:

“Për 40 vjet, qeveria iraniane ka bërë thirrje për vdekjen e Amerikës dhe vdekjen e Izraelit dhe ka paraqitur një kërcënim të vazhdueshëm për paqen dhe sigurinë e fqinjëve të saj, Shteteve të Bashkuara dhe të gjithë botës”, tha të dielën ambasadorja në detyrë e SHBA-së, Dorothy Shea, në një takim urgjent të Këshillit të Sigurimit të OKB-së.

“Për të përmbushur misionin e tij kryesor të ruajtjes së paqes dhe sigurisë ndërkombëtare, ky Këshill duhet t’i bëjë thirrje regjimit iranian që t’i japë fund përpjekjeve të tij 47-vjeçare për të zhdukur shtetin e Izraelit, të ndërpresë përpjekjet e tij për armë bërthamore, të ndalojë së synuari qytetarët dhe interesat amerikane dhe të negociojë paqen me mirëbesim për prosperitetin dhe sigurinë e popullit iranian dhe të të gjitha shteteve të tjera në rajon”, tha ajo.