SHBA kritikon Bjellorusinë për uljen e avionit: Do marrim masa

Urdhëri i Bjellorusisë për të ulur avioni Ryanair është kritikuar nga sekretari amerikan i shtetit, Anthony Blinken. Blinken e ka cilësuar këtë veprim tronditës, që sipas tij rrezikonte jetën e qytetarëve të SHBA-së dhe të gjithë personave të tjerë në  bord.

Blinken ka reaguar përmes një deklarate, duke u shprehur se SHBA do të merrte masa për veprimin e Bjellorusisë dhe bëri thirrje për lirimin e menjëhershëm të gazetarit Raman Protasevich, i cili sipas raporteve, u arrestua nga forcat e Sigurisë Bjelloruse pasi uljes së avionit.

“Shtetet e Bashkuara dënojnë veprimet e tilla të  vazhdueshme të regjimit të Lukashenko dhe arrestimin arbitrar të gazetarëve. Ne qëndrojmë pranë popullit Bjellorus në aspiratat e tyre për një të ardhme të lirë, demokratike dhe me prosporitet dhe mbështesim thirrjen e tyre për të respektuar të drejtat e njeriut dhe liritë themelore , “tha Blinken.

Kujtojmë se ngjarja ndodhi një ditë më parë. Dyshohet se presidenti i Bjellorusisë Aleksandr Lukashenko urdhëroi personalisht një avion luftarak të ulej.