Qeveria indiane vendos pezullimin e eksportit të vaksinave deri në tetor

Një lajm i ri vjen nga India, lidhur me fushatën e vaksinimit. Mësohet se ky shtet mund të mos rifillojë eksportin e vaksinave kundër Covid-19 të paktën deri në tetor. Vendimi i marrë nga qeveria vjen pasi është rritur numri i rasteve pozitive. Mediat shkruajnë se kjo është vonesa më e gjatë në eksportin e vaksinave dhe pritet të përkeqësojë mungesat e furnizimit nga iniciativa globale Covax.

Kujtojmë se India pezulloi eksportet e vaksinave një muaj më parë pasi dhuroi më shumë se 66 milionë doza. Nuk është bërë ende e ditur se cilat nga vende do të kenë vonesa të vaksinave apo për kohën e saktë se kur vendi do të rinisë eksportet. India ka raportuar 25,228,996 raste dhe  600,535 viktima që nga fillimi i pandemisë.